Бөлүмдөр
Жума, 14-декабрь
Баткен облусу, Сүлүктү 29.08.2017 13:52 На русском

Сүлүктүдөгү шахтада көчкү астында калган 4 адам куткарылды

Turmush -  Кечээ, 28-августта Баткен облусунун Сүлүктү шаарында 4 адам «Марипов» ЖЧКнын шахтасында көчкүнүн алдында калышты. Бул тууралуу жергиликтүү тургундар билдиришти.

Маалыматка караганда, кырсык саат 18:00 чамасында болгон. Окуя болгон жерге куткаруучулар барып, аларды чыгарышкан. Жабырлануучулардын үчөө ооруканага жеткирилип, бири ошол жерден керектүү жардам алган.

Ооруканага жеткирилген шахтерлордун тизмеси:

- Чымген айылынын 1985-жылы туулган тургуну М.Нурбек;

- Сүлүктү шаарынын 1984-жылы туулган тургуну Б.Абдрахман;

- Сүлүктү шаарынын 1966-жылы туулган тургуну Ж.Рахманберди;

- Сүлүктү шаарынын 1996-жылы туулган тургуну А.Жамалдин.

Жабырланган М.Нурбек учурда оор акыбалда оорукананын жандандыруу бөлүмүндө жатат.

Тактама:

Юстиция министрлигинин маалыматына караганда, «Т.Марипов» ЖЧКнын жетекчиси жана түзүүчүсү болуп, Юнусов Өмүрзак Марипович эсептелет. Ишкана 2013-жылдын 2-июлунда каттоодон өткөн. Көмүр казуу менен алектенет.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×